[Hassan OUDAD]

Udmawn n tagat

sghr-at imawn
ad ur tchim ad ur tswim
tskr-m udmawn sllawnin
tzzalm s iffus ula izzlmD
tgam dakh imuslmn
n ya wayyur
ur akh t id tnnam

tlla m kh ighudan
anrar urta irrut
tuga urta tga armmu
taydrt tga sul almmu
tagust unrar ar ttakuf
tagganza ns ar ttafuf

manza Dihia ad tagg°
s tarwa ns lli f tmmut
tjdr fllasn urtan d tuzunin
tml-n tasa ns i tafukt
tggul ur sar tadd iwgayyu
i wakuch n ighwwaghn
ljnt lli yi tram flkh awn-t
awal niw ur gis ur fa-wnt
…………………………
…………………………
…………………………
qqn ayd tiflwin ula isksal ns
ssanfayt isura n tamnnt ns
aman n waDil nginin
ag°mayt gis-n tikinin
sswayt srs tighufiwin

ajj-at akh anchch tagh°daman
d basmmum d ufrziz waraman
ra ng imziln a takat
nskr gim udmawn n tagat
ikh nfsi wan iran ar ikkat
ayyid ur ifk ighzr i talat
………………………….
…………………………
k°nni ghar azum -at
ajja ti yi han nchchat
tagat nnun war tagat
ikh atsawalm awal n tnagat
……………………..
tagati nu gar tagat
ur sul nmun i Drbat
igharasn bDan f tafat.

La fuite n'a jamais aid? personne.

Sujet