[Joseph A. Dragon]

Van Jenès ( Créole Haitien )

Pa relem lepè.
Ou fè kèm amè.
Rele mwen papi.
Pou fè mwen souri

La vi se kalbas loto
Li chaje ak nimero.
Li brase san janm rete
Pouli fè w dekouraje
Chak fwa yon boul ki sòti ,
Kò w redi epi vyeyi.
Jodi a ou tou limen,
Demen figi w chifonnnen.

Se vre bouch la finn fobop,
Lang la souse lalipop.
Tout pati nan kò mwen dyanm,
Yo toujou ak chalè sanm
M’pa bezwen ankenn ti grenn
Pou kapab remetem jenn
Ak lagras, m’pa kalewès.
Mwen bon pou nenpòt kèl pyès.

Si anpil nan Cheve m blan,
Se bon bagay ki ladan.
Si w wè kòm pran la tranblad
Lespri a pa entatad.
Menm lèm pèdi kèlke sans
Mwen genyen tout konesans
Map lite pou yon demen
Jwenn mwen nan chimen renmen.

Mwen renmen lavi cheri,
Map chaje nouvo zanmi.
Ti mounn, granmoun sesa nèt.
Tou totoum ap pran payèt
M’pap kokobe nan yon kwen
Menm jan lèzòt nan tenten
Se pou m pran bon tiplezi
Anvan vye joum yo fini

Pa relem lepè.
Ou fè kèm amè.
Rele mwen papi.
Pou fè mwen souri

TRADUCTION :

VENT de JEUNESSE

Cessez d’héler : Ô Vieux !
Vous me rendez piteux.
Appelez-moi : Papi,
Et je serai ravi.

L’âge est comme un jeton
Qui, à chaque tour de rond
D’une calebasse de loto,
Surgit un numéro
Pour nous bonder de rides
Et nous rendre moins lucide.
Tantôt un radieux teint,
Demain c’est le chagrin.

Mes dents, quoiqu’en prothèse,
Je suce, mange à mon aise.
Je fonctionne à merveilles
Ma masculinité
Reste toujours pareil
Aux temps de puberté.
Hormis les pilules bleues !
Je refuse d’être vieux.

Non scellées des tâches d’âne,
Les guirlandes de mon crâne
C’est la sagesse des ans
A côté des brillants.
Même lorsque l’âme tremble,
Point, elle ne lui ressemble.
De coups, je bourre mon corps
Pour être vif quand je dors.

J’aime beaucoup la vie
Je veux des jours remplis
Distincts de ceux d’ici
Cloîtrés tout près d’un lit.
Avec de bons amis —
Jeunes et adultes en liesse —
Je veux vivre ma vie
Afin que, vite, fuient
Les grandes péripéties
Qui attendent la vieillesse

Cessez d’héler : Ô Vieux !
Vous me rendez piteux.
Appelez-moi Papi ,
Et je serai ravi.

Sujet